Mga Sahabat sin Nabi Muhammad (saw)

June 7, 20119 Khutba Huzur


Puas sin kabassa sin Huzur sin Tashahhud, Ta ‘awwuz iban sin Surah Al-Fatiha

Bihaun laung niya lanjalan ku in story sin kabuhi sin mga sahabat amuin nakalamud ha bunu Badar. In panagnaan Sahabat amuin sabbutun ku ha adlaw ini amuna hi Abdullah bin Tariq amuin nakalamud ha bunu’ Badar in siya ini aun stepbroher niya pagnganan hi Muattib bin Ubaid. Ampa in ina hi Abdullah bin Tariq ini dain ha Banu Kahlil hambuuk sin pihak Banu Uzra. In duwa magtaiamanghud ini nakaagad ha bunu Badar iban Uhud . Karuwa sila ini nashahid duun ha insident ha Raji. Hi Abdullah bin Tariq ini hambuuk siya dain ha mga 6 sahabat amuin bakas piyara sin Rasulullah (sa) pa Banu Azal iban pa banu Qarah bat supaya ma-introduce nila in Islam pa mga tau ini iban bat supaya kahinduan sila sin quran iba shariah sin Islam ha kahinapusan 3 tahun puas sin hijra. Pagdatung sin mga sahabat ini pa tampat amuin pagnganan Raji, duun ha ini piya’gangan sila sin mga tau dain ha Banu Huzail, iyatubang sin mga tau ini in mga sahabat sarta’ piyagbunu’ sila, in kaibanan dain ha mga sahabat ini nashahid na sila mismu amuin ha tampat yaun iban in Abdullah bin Tariq nashahid siya on the way na siya pa Makka. In kubul niya yaun nakabutang ha Zahran. Jimatu in kabunu kanila ha Raji ini 36 bulan na limabay puas dain ha kapaghijrah nila dain ha Makka ha bulan Saffar.


In bunnal niya nasabbut kuna bakas laung sin Huzur in parihalan amuin naghappen ha Raji ha tungud sin kaibanan dain ha mga sahabat sin Rasulullah (sa). in detail sin story yan kabakan ha kitab amuin bakas siyulat kaagi hi Hazrat Mirza Bashir Ahmad Sahib.


In hika-2 sahabat sabbutun ku ha adlaw ini amuna hi Hazrat Aqil bin Bukair (ra). In siya ini dain ha pihak sin Banu Sa’ad bin Laith, in ngan niya naka-una yadtu hi Ghafil – hati niya way kasabutan. Sumagawa nakasud man siya pa Islam, pindahan sin Rasulullah (sa) in ngan niya pa Aqil – hati niya mapanday. Piyakamdus sin Rasulullah (sa) in pagtaimanghud ha antara sin Hazrat Aqil iban hi Hazrat Mujazzir bin Ziad (ra). Hi Hazrat Aqil nashahid duun ha bunu Badar ha ummur 34. In Rasulullah (sa) piyangayu niya ha pamilya hi Hazrat Aqil (ra) amuin papabanahun in taimanghun niya babai kan Hazrat Bilal (ra). Laung sin Rasulullah (sa) unu in mapikil niyu ha tau amuin tarbilang naghuhula halaum sin surga? Dain ha sabab sin ini piyapabana nila in taimanghud nila babai kan Hazrat Bilal (ra)

In sumunu sahabat amuna hi Hazrat Zaid bin Haritha. In siya dain ha pihak sin Banu Quza’ah, pihak atawakan tribe amuin pagmartabbatan dain duun ha hula Yemen. Hi Zaid (ra) ini, bakas siya na abduct sin kabata-bata niya ubus kiyadagang siya bilang hambuuk banyanga kan Hakeem bin Hizam ha halga 400 dirham. Pagsakali, hi Hakeem bin Hizam ini piyangdihil niya ha Zaid yaun ha ina-un niya hi Hazrat Khadija binti Khuwailid (ra). Duun ha ini piyangdihil isab kaagi sin Khadija hi Zaid yaun iban na sin kaiban mga banyaga niya ha Rasulullah (sa).


Ampa in ama hi Zaid (ra), hi Haritha nakalandu in kasusahan ha kalawa niya ini. Sah- wala naglugay, aun dain ha mga kausugan dain ha Banu Qalb dimatung pa Makka karna’ mamisita maun karna’ magkuliling wayruun pa nahinang rukun Islam in paghajji asal biyaksa na in mga tau mamisita pa Makka karna’ maghajji. Dain duun kiyakilahan nila hi Zaid (ra). Siyuuk hi Zaid in mga tau yaun sarta’ sin pag-iyan niya laung niya baitae niyu in mga ahle kaluarga ku in aku ini marayaw da in kiyabutangan ku nakabutang aku ha respected family sin Banu Mu’ad masuuk pa Khana Ka’abah. Baitae sila in ayaw sila magkasusahan. Pagdatung sin mga tau ini pa hula’ nila biyaytaan nila magtuy in ama hi Zaid sin kahalan yadtu. duun ha ini minig hi Haritha amuin ama hi Zaid (ra) tudju pa Makka iban sin hambuuk taimanghud niya. Duun man ha Makka iyalup nila in Rasulullah (sa) karna’ lukatun nila in Zaid. Duun ha ini tiyawag sin Rasulullah (sa) in Zaid (ra) ampa siya papagdisisyonun sin kahalan yaum. In kahaupuan niya wala miyagad muwi ha ama iban ha amaun yaun in Zaid (ra). In details sin mga ini explained sin Hazrat Musleh Mau’ud (ra) ha kitab amuin bakas biyaktul niya Sirat Khatamun Nabiyyin.


Kiyasulat ha kitab ini, ha waktu dimatung pa Makka in ama iban in amaun hi Zaid (ra) karna’ lukatun siya iban dahun na siya muwi magbing kanila, iyan sin Rasulullah (sa) in Zaid (ra) laung niya bang kaw mabaya’ magad kanila muwi, makug-makuyag aku dumihil permission in makajari na kaw magad kanila muwi, dih ta kaw butanan in subay naman lukatun dain kaku, in sambag sin Zaid (ra) ha Rasulullah (sa) “Ya Rasulullah, labi in halga mu kaku dain sin ama ku lahasiya iban sin amaun ku.” Simambag isab in ama hi Zaid nag-agad in astul niya iban sin kasusahan niya, laung niya unu? Piyahalga mu in kabuhianan amuin pagbanyagaun dain sin kamahardikaan mu? Laung hi Zaid Huun ama, sabab ha waktu ni kikita duun kaniya in akhlak tabiat amuin wayruun na limingkat pa dain duun, dain ha sabab sin ini wayruun piun ku dugaing bang bukun Rasulullah (sa). Ha waktu diyungug sin Rasulullah (sa) in sambung hi Zaid pa ama niya iban pa amaun yaun, timindug magtuy in Rasulullah (sa) sarta’ diya niya hi Zaid harap pa Ka’bah ampa siya nag-announce piyatanug niya in tingug niya sin lapal kabtangan laung niya: “O kamu mga manusiya! Kamu in saksi ha adlaw ini free na hi Zaid iban hinangun ku na siya anak. In siya ini kapusakaan ku na damikkian in aku bihadtu raisab matun kaniya. Pagdungug sin ama iban amaun hi Zaid sin lapal kabtangan sin Rasulullah ini, nahairan sila. Sarta’ makug-makuyag na sila amuin hibin nila in Zaid ha Nabi Muhammad (sa). Didtu hadtu in Zaid bin Haritha nahinang Zaid bin Muhammad. Sumagawa, pagpuas man sin Hijrah, nagpaturun in Allah swt pardaakan in dih manjari hinangun actual anak in anak amuin na-adopt sajja. Na duun ha waktu ini daisab nagbing in ngan sin Zaid pa kaina’ tagna amuna in Zaid bin Haritha. Minsan bihadtu in lasa sin Rasulullah (sa) kaniya wayruun da nahagin gamman adlaw pa adlaw magsusung in lasa niya pa Zaid. Nawafat man in Zaid (ra), in Rasulullah (sa) extend niya in kasi-lasa yadtu pa anak niya hi Usama bin Zaid (ra). dugaing pa dain duun in martabbat atawa kan kalaggu sin Zaid (ra), hambuuk-buuk niya ra sahabat sin Rasulullah (sa) amuin nasabbut halaum sin Quran in ngan amura Zaid.


Aun story pasalan hi Jablah in siya ini taimanghug magulang hi Hazrat Zaid ha waktu naasubu siya bang hisiyu in magulang kanila ruwa in sambag hi Jablah hi Zaid(ra) in magulang dain kaniya sumagawa aku laung niya in miyuna piyagbata. Maksud niya pagga hi Zaid(ra) in naka-una simud pa likusan sin Islam hati niya siya in nakatataas in darajat dain kaniya.


Laung hi Hazrat Ali (ra), hi Hazrat Zaid bin Haritha, in siya yan freed slave sin Rasulullah (sa) siya na yan in panagnaan dain ha mga kausugan amuin nanaima ha Rasulullah iban siya na yan in panagnaan dain ha mga kausugan amuin nakapatindug sin sambahayang.


Ha waktu nagtagna’ in Rasulullah (sa) magpasaplag sin mission niya, in panagnaan namaratsaya kaniya amuna in Hazrat Khadija (ra), wala minsan siya nagduwa-ruwa ha kaagi niya namaratsaya min one single moment. Aun pagbidda biddae sin mga Historian ha pasalan bang hisiyu in panagnaan simud pa ka-Islam dain ha mga kausugan puas dain kan Hazrat Khadija (ra). Laung sin kaibanan Abu Bakar in panagnaan simud pa ka-Islam, laung sin kaibanan hi Abdullah bin Abi Quhafah (ra) laung isab sin kaibanan hi Hazrat Ali ha waktu yadtu 10 tahun pa in ummul niya. laung isab sin kaibanan hi Zaid bin Haritha amuin freed slave sin Rasulullah (sa) in panagnaan nanaima sin Islam dain ha mga kausugan. Dalam bihadtu in mga dalil ini dih da maka-unu mari katu sabagay Ahmadi. Karna’ in Hazrat Ali iban hi Hazrat Zaid (ra) itung in sila karuwa ini pamilya halauman sin pamaymay sin Rasulullah (sa) iban in sila ini buhi halauman sin Rasulullah (sa) biya sapantun mga anak niya. sila ini karuwa in miyamagad iban magparagbus bang unu in kiyalapal sin Rasulullah (sa), in bunnal niya dih na kalagihan in ha duwa ini in verbal declaration in iyanun bat sila in panagnaan nanaima’ ha Rasulullah (sa) sabab ma’lum na yaun simulig in duwa ini iipat sin Rasulullah (sa). dain ha sabab yan minsan dih hilamud in ngan nila karuwa dain ha mga panagnaan simud pa ka-islam dain ha mga kausugan. Liyu dain ha duwa ini, in panagnaan nanaima’ sin Islam dain ha mga kausugan amuna in Abu Bakar. Bima’na Abu Bakar in panagnaan nanaima sin Islam dain ha mga mature in pangummulan. Haupu bissara in 4 panagnaan manusiya nanaima ha Nabi Muhammad (sa) sabagay Nabi naraak sin Tuhan amuna kanda’ Hazrat Khadija, Hazrat Abu Bakar, Hazrat Abdullah bin Abi Quhafah, Hazrat Ali iban Hazrat Zaid bin Haritha (ra) sila na ini in nakakawa darajat sataas-taas ha hadarat sin Tuhan Rabbul Alameen. Laung sin Khalifatul Masih hika-2 hi Hazrat Musleh Mau’ud (ra) ha parihalan ini:


Hi Hazrat Zaid (ra) in nag-iban ha Rasulullah (sa) ha pagkadtu niya pa Taif. In Taif ini hambuuk siya daira 36 miles in layu dain ha southeast sin Makkah. Dayahan in dairah ini ha panghiyanum sabab matambuk atawakan fertile in lupa niya, in ginisan sin mga high quality hulma timutubu dain duun ubus in naghula duun ha ini amuna in mga tau Banu Thaqif pag-iyanun. Nawafat man ha waktu yadtu in Abu Talib amuin amaun sin Rasulullah (sa), timagna naisab in pagjahulaka sin mga Quraish ha Rasulullah (sa). Na in Rasulullah (sa) imuntas pa area sin Taif sarta’ in imiban kaniya Hazrat Zaid Bin Haritha (ra). Naghappen ini 10 tahun dain ha pagnabi sin Rasulullah (sa) pa kahinapusan na sin bulan Shawwal. Nagstay in Rasulullah (sa) duun ha Taif halaum sin 10 adlaw, ha waktu ini piyagbak niya in mga kanakuraan sin Taif, sumagawa wayruun timaima’ sin message niya minsan hambuuk. Na-aun man in susa sin mga kanakuraan sin Taif amuin piligru taima-un sin mga kabataan iban in mga raayat in message sin Rasulullah (sa), magtuy nila biyaytaan in Rasulullah sin pag-iyan nila, O Muhammad (sa), ig na kaw dain ha daira namu sarta’ uwi na kaw pa daira bang haunu amuin bakas tiyaima in message mu yan. Sampay in kiya-aunan nila nanugsug ha mga kabataan nila, amuin kabataan kiyaasangan attakun nila apasun in Rasulullah (sa), tilu nila na in Rasulullah (sa) sin batu sampay in kiya-aunan sin Rasulullah (sa) in duwa siki niya yaun diyuguan sabab sin tilu sin batu kimugdan maun. Duun ha un in Zaid (ra) tiyabunan niya in Rasulullah sin baran niya dain ha direction sin batu harap pa Rasulullah (sa), nagsustain mga pali ha u in Hazrat Zaid (ra) sin batu.


Mura-murahan sugpatan man In further details sin story sin Hazrat Zaid (ra) ha Khutba Juma’at susungun InshaAllah.

5 views

 

Makipag-ugnayan

 

The Ahmadiyya Muslim Association Inc.

14 Pilar Banzon St. BF Homes Paranaque City, Metro Manila

Telephone: +63 (02) 842 2728

email:

ahmadiyya.ph@gmail.com

 

Zamboanga City Office:

Peace Compound, Pitogo, Sinunuc, Zamboanga City 7000

Telephone: +63 (62) 983 1294

email: ahmadiyyazamboangacity@gmail.com

  • Facebook Social Icon
  • Twitter
  • YouTube

Copyright © 2020 AMA Inc, Philippines