Dan bang biya’ diin hikabak ha Tuhan – Financial Sacrifice – Waqfe Jadid 2020


January 3, 2020 – Masjid Baitul Futuh, London


Puas kabassa sin Hazrat Ameerul Mu’mineen (aba) sin Tashahhud, Ta’awwuz iban Surah Al-Fatiha laung niya:


Ha kitab sin bakas biyaktul sin Imam Mahdi (as) amuin The Philosophy of the Teachings of Islam, siyabbut niya duun ha ini in walo sharat ha supaya kabakan iban kakilahan in Tuhan Rabbul Alamin iban bang biya’ diin bat supaya kumamdus in iman sin hambuuk manusiya matun Kaniya. In mga sabab ini kagunahan daisab bat supaya dumagbus in kamaksuran tau yan bang maita’ siya bakas piyapanjari sin Tuhan Rabbul Alamin. Laung sin Imam Mahdi (as): hambuuk dain ha mga walo sharat yadtu amuna in magluwas lungsad ha dan sin Allah swt, ay maksud subay natu lawagun in Allah swt duun ha pagbu’luy natu sin pangalta’ sin pangalta’ sin kita niyu ha dan sin Allah (swt), sarta’ pakayun sin in katan subay in katan kusug iban kapandayan sin kita ha kabayan sin Allah (swt) karna in Siya nagfarman halaum sin Quran:


Jahidu bi amwalikum wa ampusikum fi sabilillah – pagjihan kamu ha dan sin Allah (swt) sin pangalta’ niyu iban sin ginhawa baran niyu – Surah Attaubah ayat 41


Wa mimma razaqnahum yumfiqun ­– iban pagnapaka kamu sin unu-unu amuin bakas namu’ kiyarizziki maun kaniyu – Surah Al-Baqarah ayat 4


Walladzina jahadu fina lanahdiyannahum subulana – iban in mga sila amuin nagluwas-lungsad mari kamu’ tantu hipapakita’ namu’ kanila in mga karandanan harap mari kamu’ – Surah Al-Ankabut ayat 70


Laung pa si Imam Mahdi (as): “dih manjari papagsibuun niyu in ug niyu ha alta’ niyu iban in ug niyu pa Allah (swt). Hambuuk da in subay patut niyu kaugan ha duwa yan. Magparuntungan in hisiyu-hisiyu dain kaniyu in ma-ug ha Allah (swt). Hisiyu-hisiyu dain kaniyu in ma-ug malasa Kaniya ampa niya piyagnapaka in mga pangalta’ niya ha karna’ sin Niya, tantu laung sin Imam Mahdi (as) in mga pangalta’ niya yan dih maluppas gamman magtataud dain sin kaibanan niya..”

Dain ha sabab yan laung sin Imam Mahdi (as): “subay in tiyap-tiyap Ahmadi amuin ha likusan na sin Jama’at ini in subay siya magtabarru dumihil tartantu amount sin chanda (pagnapaka ha dan sin Tuhan). Hisiyu-hisiyu in magtabarru magpaguwa sin pangalta’ niya ha karna’ sin Allah(swt), tantu pagbarakatun sin Allah (swt) in mga pangalta’ niya.”


Dain ha ulung sin Allah (swt), gatusan ngaibu mga member sin Jama’at ini amuin nagluwas lungsad nagtabarru’ amuin tiyaasan nila in parjanji-an nila ha kahalan sin financial sacrifices bat supaya sajja madauhat in ulung kanila sin Allah (swt). Maluhay in makapa-aun sin financial sacrifice ha mga sila amuin aun gaus, sumagawa aun dain ha mga jamaat ini, minsan in kiya-aunan niya masigpit sarta’ masi-masi hiyahapdi makapikil pa bang biya’ diin in kaagi niya makapa-aun sin contribution ha system sin financial sacrifice ha Jama’at ini.


Makahairan bang ta aturun in kaagi sin kaibanan magsacrifice ha karna’ sin Allah (swt). In Imam Mahdi (as) ini biyarakatan sin Allah (swt) sin mga tau amuin biya’ ha ini in hantang, amuin saddiya huminang sin unu-unu na sacrifice bat sajja madauhat in ulung kanila sin Allah (swt). Pagga laung sin Huzur (aba) in tahun ba’gu sin Waqfe Jadidini hi announce ha adlaw ini, na in hibissara duun ha ini manunjuki na sajja ha kahalan sin Waqfe Jadid.


Bissara sin Hazrat Ameerul Mu’mineen (aba) in mga kahalan sin mga sila amuin wala nagbati’ laul himinang sin diin-diin na kagausan nila bang biya’ diin kasampulna’ sin kaagi nila magluwas lungsad ha parihalan sin financial sacrifice ha karna’ sin agama, aun dain kanila yadtu diyagang nila mga in pamulawan nila, in mga similya hitanum para ha musim susungun hipagdagang nila na ha bat sajja dumagbus in kabayaan sin Tuhan duun kanila. In mga sila amuin nagsacrifice yadtu kikita nila in mga bunga sin sacrifice makaruwa lipatun, in pag-usaha nila gamman dimayaw iban nagbunga sin mga paruntungan, iban pagkasaksi-an sin mga tau ini sakahaba sila makariihil pagkaun amuin tuput sajja para kanila, gantian yaun sin labi pa dain sin bakas nila kiyarihil yadtu. In mga sila isab amuin kiyapagtabarru in cin amuin tiyatau’tau para ha pag-ubatan nila, maka-ajjaib amuin magpakataima’ sila tatabangan hipag-ubat nila dain ha piyaghinangan nila yadtu, in mga sila isab amuin piyangdihil in cin nila tuput yaun karna’ hipami sin kakaun, magpakatabuk sila cin ha wala nila kiya-iingatan bang dain diin bakas. In mga sila isab nagchanda dain ha untung sin paglitu-litu nila gamman timaud na in dagangan sampay in kiya-aunan niya sila na in pag-asubuhun sin mga tau mamimi’. Istori pa sin Huzur (aba) in parumpamahan sin hambuuk tau miskin amuin jimanji sampay laung niya dih naa siya minum tea, hirihil niya na in cin niya para chanda.


Laung sin Huzur(aba): minsan in kiya-aunan asibi da atawa tiyu’-tiyu’ da in hikapagtabarru, bang amuna tuud yan in kagaus-gausan sarta’ ihlas halaum sin pangatayan tantu taima’un yan sin Allah (swt) iban gantian Niya lipat manglipat sarta’ amuna ini in mahinang dan amuin magsusuuk in tau yan pa Tuhan niya iban mahinang ini sabab sin hikakamdus sin iman niya pa Tuhan. In mga parkala biya’ ha ini, biya’ sin magpakatabuk rizziki ha dih minsan kaingatan bang dain diin in guwa’ niya – bukun ini amuin dimatung na sajja ha wayruun sabab niya. Biya’ ha ini bang biya’ diin in kaagi sin Allah (swt) ha mga tau amuin makusug in pangandul nila Kaniya, iban biya’ ha ini daisab in kaagi sin Allah (swt) ha mga sila amuin nagpakamdus sin iman nila, sarta’ amuraisab ini in tanda’ sin kasabunnalan sin Imam Mahdi (as). Nag-iyan daisab in Rasulullah (saw) laung niya: “in mga tau nagnapaka ha dan sin Tuhan Rabbul Alamin, sila nayan in mga tau amuin patut kaiibugan.


Mahuli in Huzur (aba) nagpahati sin panagnaan tahun para ha Waqfe Jadid. Laung niya dain ha ulung sin Allah (swt), in 62nd tahun sin Waqfe Jadid timubtub na sin 31stsin bulan December, tahun 2019 yaun. Halaum sin hangka tahun yaun, in mga Jama’at members nakapa-aun sila total sacrifice £9.643 million, timaas siya £500,000 dain ha tahun limabay yadtu. Ha katan contribution, UK miyuna ampa siyunuan sin Pakistan, Germany, USA, Canada, India, Australia, Indonesia and two Jamaats in the Middle East.


Ha kahalan sin contribution sin hula Africa: Ghana is miyuna, hika-ruwa Nigeria, hika-tu Burkina Faso, hika-upat Tanzania, hika-lima Benin, hika-unum Gambia, hika-pitu Kenya, hika-walu Mali, hika-siya Sierra Leone iban in hika-hamgpu Congo-Kinshasa.


Pagga sumud naisab kita niyu pa patahunan ba’gu ini, na tumtumun taniyu masi-masi ra in lingug asal nakukumpul ha unahan yan. Na bat supaya in patahunan ini dumayaw, na subay kita niyu mangindua’a pa Allah (swt), amuin bang mayan Niya pa’gangan in mga parinta amuin mabaya’ sajja magpahati bat in sila yaun in nakalabbi dain sin kaibanan, parinta amuin dumihil harubilu ha dunya ini. Bang mayan in mga parinta ini dih manglungkup ha mahajjana manusiya’ amuin subay papaagarun nila in kaibanan ha bang mayan maagad in kabayaan nila. Bang mayan in sila ini anugharaan sin Tuhan pikilan marayaw. Na duun ha ini, in mga kabtangan huhurmatan ha tahun ini, dumihil panghimati ha tiyap-tiyap Ahmadi, usug babai, maas bata’ bang unu in kawajiban nila. Subay natu pakayun in kusug natu, in kignut kahibal sin kita niyu iban in gaus natu sarta subay natu pagtuyuan tulus ihlas madauhat in kamaksuran ini – maksud amuin madauhat ta in ulung sin Tuhan katu’. Na ha sabab sin kaagi sin sambahayang sin kita niyu, na pa-aunun taniyu in parsugpatan sin kita iban sin Allah (swt) sabab duun ha ini madauhat natu in karayawan ha tahun ini. Bang mayan dihilan kita niyu gaus sin Tuhan Rabbul Alamin amuin maparagbus taniyu in mga nasabbut yadtu.


[Translated into Sinug by Tuan Felan S. Heding]

0 views

 

Makipag-ugnayan

 

The Ahmadiyya Muslim Association Inc.

14 Pilar Banzon St. BF Homes Paranaque City, Metro Manila

Telephone: +63 (02) 842 2728

email:

ahmadiyya.ph@gmail.com

 

Zamboanga City Office:

Peace Compound, Pitogo, Sinunuc, Zamboanga City 7000

Telephone: +63 (62) 983 1294

email: ahmadiyyazamboangacity@gmail.com

  • Facebook Social Icon
  • Twitter
  • YouTube

Copyright © 2020 AMA Inc, Philippines